Kinaron ny kinara kar lia hay

کناروں نے کنارا کر لیا ہے 

کناروں نے کنارا کر لیا ہے
سو طوفاں کو سہارا کر لیا ہے

نہیں جس راہ پر منزل ہماری
وہی رستہ دوبارا کر لیا ہے

یہ آنکھیں اور نہ کچھ دیکھتی اب
نہ جانے کیا نظارہ کر لیا ہے

کسی مہتاب کی قربت کی خاطر
ہر اک آنسو ستارا کر لیا ہے

تمہی سے تھی چھپانی دل کی حالت
تمہی کو خود اشارا کر لیا ہے

جو ہم نکلے ہیں تیری گفتگو سے
کوئی کیا اور پیارا کر لیا ہے

دیا تھا دل تمہیں سنبھالنے کو
مگر تم نے اجارا کر لیا ہے

تھا کتنا شوق ہم کو زندگی کا
جو تیرے بن گزارا کر لیا ہے

ہے آیا وقت یہ دنیا پہ کیسا
کہ ہم جیسا گوارا کر لیا ہے

ابھی باقی ہے بدلہ زندگی سے
یوں سمجھو بس ادھارا کر لیا ہے

محبت وار کاری ، جانتے سب
سو اس کو سب نے چارا کر لیا ہے

تجھے اب کون سمجھائے گا ابرک
جتن ہم نے تو سارا کر لیا ہے

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔اتباف ابرک