' ﺟﻨﺲ ﮔﺮﺍﮞ

ﻣﻨﺰﮦ ﺍﺣﺘﺸﺎﻡ ﮔﻮﻧﺪﻝ

'' ﺟﻨﺲ ﮔﺮﺍﮞ ''

٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭

ﺑﮍﮮ ﻋﺮﺻﮯ ﺳﮯ ﺍﺱ ﮐﯽ ﻋﺎﺩﺕ ﺗﮭﯽ ﺑﺲ ﻣﯿﮟ ﺑﯿﭩﮭﺘﮯ ﮨﯽ ﺩﺍﺋﯿﮟ ﻃﺮﻑ ﻭﺍﻟﯽ ﻧﺸﺴﺘﻮﮞ ﻣﯿﮟ ﺳﮯ ﮐﮭﮍﮐﯽ ﻭﺍﻟﯽ ﻧﺸﺴﺖ ﭘﮑﮍﺗﯽ۔ﮐﺒﮭﯽ ﮐﺒﮭﺎﺭﯾﻮﮞ ﺑﮭﯽ ﮨﻮﺗﺎ ﮐﮧ ﺩﺍﺋﯿﮟ ﻃﺮﻑ ﻭﺍﻟﯽ ﭘﻮﺭﯼ ﺭﻭ ﻣﯿﮟ ﮐﻮﺋﯽ ﻧﺸﺴﺖ ﺧﺎﻟﯽ ﻧﮧ ﮨﻮﺗﯽ ﺍﯾﺴﮯ ﻣﯿﮟ ﺍﺱ ﮐﯽ ﺣﺎﻟﺖ ﺩﯾﮑﮭﻨﮯ ﻭﺍﻟﯽ ﮨﻮﺗﯽ ﺗﮭﯽ ﺍﺱ ﭘﺮ ﮔﮭﺒﺮﺍﮨﭧ ﮐﺎ ﻋﺎﻟﻢ ﻃﺎﺭﯼ ﮨﻮﺟﺎﺗﺎ ﺍﻭﺭﺍﮔﺮ ﮐﺴﯽ ﺩﻥ ﺑﺪﻗﺴﻤﺘﯽ ﺳﮯ ﻧﺸﺴﺘﻮﮞ ﮐﮯ ﺩﺭﻣﯿﺎﻥ ﮐﯽ ﺭﺍﮨﺪﺍﺭﯼ ﻣﯿﮟ ﮐﮭﮍﮮ ﻣﺴﺎﻓﺮﻭﮞ ﮐﮯ ﺑﯿﭻ ﮐﮭﮍﺍ ﮨﻮﻧﺎ ﭘﮍﺗﺎ ﺗﻮﯾﮧ ﺍﺱ ﮐﯽ ﺯﻧﺪﮔﯽ ﮐﺎ ﻧﺎﺧﻮﺷﮕﻮﺍﺭ ﺍﻭﺭﺑﺪﻗﺴﻤﺖ ﺗﺮﯾﻦ ﻟﻤﺤﮧ ﮨﻮﺗﺎ ﺍﻭﺭﺍﯾﺴﮯ ﻟﻤﺤﻮﮞ ﺳﮯ ﺍﺱ ﮐﻮ ﻣﻔﺮﺑﮭﯽ ﻧﮩﯿﮟ ﺗﮭﺎ ﺍﯾﺴﮯ ﻟﻤﺤﺎﺕ ﺑﮍﮮ ﺗﻮﺍﺗﺮ ﮐﮯ ﺳﺎﺗﮫ ﺍﺱ ﮐﯽ ﺯﻧﺪﮔﯽ ﻣﯿﮟ ﺁﺗﮯ ﺭﮨﺘﮯ ﺗﮭﮯ ﻭﮦ ﺍﯾﮏ ﻟﻤﺤﮧ ﺿﺎﺋﻊ ﮐﯿﮯ ﺑﻐﯿﺮ ﺍﻭﺭﺩﺭﻣﯿﺎﻥ ﻣﯿﮟ ﮐﺴﯽ ﻭﺳﯿﻠﮯ ﮐﻮ ﻻﺋﮯ ﺑﻐﯿﺮ ﺑﺮﺍﮦ ﺭﺍﺳﺖ ﮨﯽ ﺧﺪﺍﻋﺰﻭﺟﻞ ﮐﮯ ﺣﻀﻮﺭ ﭘﮩﻨﭻ ﺟﺎﺗﯽ ۔ﻭﮦ ﺟﺲ ﮐﯽ ﺭﺳﺎﺋﯽ ﺯﻣﯿﻦ ﮐﮯ ﻋﺎﻡ ﺯﻣﯿﻦ ﺯﺍﺩﻭﮞ ﺗﮏ ﺑﮭﯽ ﻧﮧ ﺗﮭﯽ ﺧﺪﺍ ﺗﮏ ﭘﮩﻨﭻ ﺟﺎﺗﯽ۔

ﺍﻟﻠﮧ ﺟﯽ ! ﺟﻮﺍﻧﮩﯿﮟ ﻟﻮﮔﻮﮞ ﻣﯿﮟ ﭘﯿﺪﺍ ﮐﺮﻧﺎ ﺗﮭﺎ ﺗﻮﻣﺰﺍﺝ ﺑﮭﯽ ﺍﻥ ﺟﯿﺴﺎ ﺩﯾﺎ ﮨﻮﺗﺎ ﺍﻭﺭﺍﮔﺮﻣﺰﺍﺝ ﺑﺪﻝ ﺩﯾﺎ ﺗﮭﺎ ﺗﻮﺣﺎﻻﺕ ﺑﮭﯽ ﺑﺪﻝ ﺩﮮ ٓﺍﺧﺮ ﺗﻮﮐﺲ ﺩﮬﻦ ﻣﯿﮟ ﻣﮕﻦ ﮨﮯ ﺍﻟﻠﮧ ﻣﯿﺎﮞ ﺟﯽ ﯾﮧ ﮐﺮﺩﮮ ﺍﻟﻠﮧ ﻣﯿﺎﮞ ﺟﯽ ﻭﮦ ﮐﺮﺩﮮ ﻣﮕﺮﺍﻟﻠﮧ ﻣﯿﺎﮞ ﺟﯽ ﮐﻮ ﺍﺱ ﺳﮯ ﮐﯿﺎ ﺩﻟﭽﺴﭙﯽ ﮨﻮﺳﮑﺘﯽ ﺗﮭﯽ ﺍﺱ ﮐﺎ ﮐﺎﻡ ﺗﻮﭼﻞ ﺭﮨﺎ ﺗﮭﺎ ﻟﻮﮔﻮﮞ ﮐﮯ ﺣﺎﻻﺕ ﭘﺮ ﺗﻮﺟﮧ ﺩﯾﺌﮯ ﺍﻭﺭﺍﻥ ﮐﮯ ﺷﮑﻮﮮ ﺳﻨﮯ ﺑﻐﯿﺮﺑﮭﯽ ۔ﺍﻟﻠﮧ ﮐﮯ ﺳﺎﺗﮫ ﺍﺱ ﮐﺎ ﺗﻌﻠﻖ ﻣﮑﻤﻞ ﻃﻮﺭﭘﺮ ﯾﮏ ﻃﺮﻓﮧ ﺗﮭﺎ ،ﺍﻟﻠﮧ ﮐﯽ ﻃﺮﻑ ﺳﮯ ﮐﺒﮭﯽ ﺍﺱ ﮐﮯ ﺷﮑﻮﮮ ﮐﺎ ﺟﻮﺍﺏ ﻧﮧ ﺁﯾﺎ ﺗﮭﺎ ﺟﯿﺴﮯ ﻋﻼﻣﮧ ﺍﻗﺒﺎﻝ ﮐﻮﺁﯾﺎ ﺗﮭﺎ، ﯾﮏ ﻃﺮﻓﮧ ﺗﻌﻠﻖ ﺑﮭﯽ ﺍﯾﮏ ﻋﺬﺍﺏ ﮐﯽ ﻃﺮﺡ ﮨﻮﺗﺎ ﮨﮯ ،ﺧﺪﺍ ﮐﺎ ﺟﺐ ﺍﺭﺍﺩﮦ ﺑﻦ ﺟﺎﺗﺎ ﮨﮯ ﮐﺴﯽ ﮐﻮ ﺫﻟﯿﻞ ﮐﺮﻧﮯ ﮐﺎ ﺗﻮﻭﮦ ﺍﺱ ﮐﻮ ﮐﺴﯽ ﻧﮧ ﮐﺴﯽ ﮐﯽ ﯾﮏ ﻃﺮﻓﮧ ﭼﺎﮨﺖ ﻣﯿﮟ ﻣﺒﺘﻼ ﮐﺮﺩﯾﺘﺎ ﮨﮯ

ﺭﻭﮒ ﺩﺷﻤﻦ ﮐﻮ ﺑﮭﯽ ﯾﺎﺭﺏ ﻧﮧ ﻟﮕﺎﻧﺎ ﺩﻝ ﮐﺎ

ﺟﺐ ﺩﺍﺋﯿﮟ ﻃﺮﻑ ﮐﮭﮍﮐﯽ ﮐﮯ ﺳﺎﺗﮫ ﻭﺍﻟﯽ ﻧﺸﺴﺖ ﺍﺱ ﮐﻮ ﻣﻞ ﺟﺎﺗﯽ ﺗﻮﻭﮦ ﺳﺎﺭﮮ ﮔﻠﮯ ﺷﮑﻮﮮ ﺑﮭﻮﻝ ﺟﺎﺗﯽ، ﺯﻧﺪﮔﯽ ﮐﻮ ﻧﻔﻊ ﻭﻧﻘﺼﺎﻥ ﮐﮯ ﺗﺮﺍﺯﻭ ﻣﯿﮟ ﺗﻮﻟﺘﯽ ﻧﺸﺴﺖ ﭘﺮ ﺑﯿﭩﮫ ﺟﺎﺗﯽ ﺍﻭﺭﭘﮭﺮﺟﻮﻧﮩﯽ ﺁﭨﺎ ﭘﯿﺴﻨﮯ ﻭﺍﻟﯽ ﭼﮑﯽ ﺷﺮﻭﻉ ﮨﻮﺗﯽ ﺍﺱ ﮐﯽ ﻣﺘﻼﺷﯽ ﻧﮕﺎﮨﯿﮟ ﺍﺱ ﮐﻮ ﮈﮬﻮﻧﮉﻧﺎ ﺷﺮﻭﻉ ﮐﺮﺩﯾﺘﯿﮟ ﻭﮦ ﺁﭨﺎ ﭘﯿﺴﻨﮯ ﻭﺍﻟﯽ ﭼﮑﯽ ﺳﮯ ﻟﮯ ﮐﺮ ﺍﺱ ﮐﮯ ﺩﻓﺘﺮ ﺗﮏ ﮐﮯ ﺳﺘﺮﮦ ﮐﻠﻮﻣﯿﭩﺮ ﮐﮯ ﺩﺭﻣﯿﺎﻥ ﮔﮭﻮﻣﺘﺎ ﭘﮭﺮﺗﺎ ﺭﮨﺘﺎ ﺗﮭﺎ ﮐﺒﮭﯽ ﺁﺗﺎ ﮨﻮﺍ ﺩﮐﮭﺎﺋﯽ ﺩﯾﺘﺎ ﺍﻭﺭﮐﺒﮭﯽ ﺟﺎﺗﺎ ﮨﻮﺍ۔ ﻭﮦ ﮨﻤﯿﺸﮧ ﭘﯿﺪﻝ ﭼﻠﺘﺎ ﺗﮭﺎ۔ ﻭﮦ ﺯﻧﺪﮔﯽ ﮐﻮ ﻧﻔﻊ ﺍﻭﺭﻧﻘﺼﺎﻥ ﻣﯿﮟ ﺗﻮﻟﺘﯽ ﺭﮨﺘﯽ ﺧﺪﺍ ﺳﮯ ﺍﻟﺠﮭﻨﺎ ﺗﻮﺍﯾﮏ ﻃﺮﻑ ﺭﮨﺎ ﮔﮭﺮﻭﺍﻟﻮﮞ ﺳﮯ ﺍﻟﺠﮭﻨﺎ ﺑﮭﯽ ﺍﺏ ﺭﻭﺯ ﮐﺎ ﻣﻌﻤﻮﻝ ﺑﻦ ﮔﯿﺎ ﺗﮭﺎ۔ ﻋﻤﺮ ﮐﮯ ﺳﺎﺗﮫ ﺳﺎﺗﮫ ﻭﺯﻥ ﺑﮭﯽ ﺑﮍﮬﺘﺎ ﺟﺎﺭﮨﺎ ﺗﮭﺎ۔ ﮐﯿﺎ ﻭﺯﻥ ﮐﮯ ﺑﮍﮬﻨﮯ ﺳﮯ ﺁﺩﻣﯽ ﮐﯽ ﻗﯿﻤﺖ ﮐﻢ ﮨﻮﺟﺎﺗﯽ ﮨﮯ؟

ﺟﺴﻢ ﺑﮯ ﮈﮬﺐ ﮨﻮﺟﺎﺋﮯ ﺗﻮﮐﯿﺎ ﺁﺩﻡ ﺁﺩﻣﯿﺖ ﮐﮯ ﻣﻌﯿﺎﺭ ﮐﮯ ﮔﺮﺟﺎﺗﺎ ﮨﮯ؟ ﮐﯿﺎ ﻭﮦ ﺍﺗﻨﺎ ﺳﺴﺘﺎ ﭘﮍﺟﺎﺗﺎ ﮨﮯ ﮐﮧ ﭨﮭﮑﺮﺍﺩﯾﺎﺟﺎﺋﮯ؟؟؟ ﺁﺧﺮ ﯾﮧ ﻧﺎﻡ ﻧﮩﺎﺩ ﺷﺮﯾﻒ ‘ ﻣﺘﻘﯽ ﭘﺮﮨﯿﺰ ﮔﺎﺭ ‘ ﺻﻮﻡ ﻭﺻﻠﻮۃ ﮐﮯ ﭘﺎﺑﻨﺪ ‘ ﺑﮩﻮﺑﯿﭩﯿﻮﮞ ﺍﻭﺭ ﺑﮩﻨﻮﮞ ﮐﻮ ﺑﺮﻗﻌﮯ ﺍﻭﮌﮬﺎ ﮐﺮ ﺭﮐﮭﻨﮯ ﻭﺍﻟﮯ ﺟﺐ ﺷﺎﺩﯼ ﮐﺮﻧﮯ ﻟﮕﺘﮯ ﮨﯿﮟ ﺗﻮﺍﯾﮏ ﻃﻮﺍﺋﻒ ﮐﮯ ﮐﻮﭨﮭﮯ ﻣﯿﮟ ﮐﯿﻮﮞ ﮐﮭﮍﮮ ﮨﻮﺟﺎﺗﮯ ﮨﯿﮟ؟؟؟

ﺍﻣﺎﮞ ﻟﮍﮐﯽ ﻭﮦ ﻻﻧﺎ ﺟﻮ ﺳﻮﻟﮧ ﺳﺎﻝ ﮐﯽ ﮨﻮ، ﺟﺲ ﮐﯽ ﺑﯿﺲ ﺍﻧﭻ ﮐﻤﺮ ﮨﻮ، ﻧﺎﺯﮎ ﺑﺪﻥ ﮨﻮ، ﺯﻟﻒ ﺩﺭﺍﺯ ﮨﻮ، ﺍﻭﺭﺍﻥ ﭼﮭﻮﺋﯽ ﮐﻨﻮﺍﺭﯼ ﮨﻮ۔ ﯾﮩﯽ ﺳﺎﺭﯼ ﮈﯾﻤﺎﻧﮉﺯ ﮔﺎﮨﮏ ﮐﯽ ﻧﺎﺋﯿﮑﮧ ﺳﮯ ﮨﻮﺗﯽ ﮨﯿﮟ۔ ﺍﺭﮮ ﺑﯿﮕﻢ ﺟﺎﻥ ! ﮔﺎﮨﮏ ﺁﻧﭩﯽ ﻧﮩﯿﮟ ﭼﮭﻮﮐﺮﯼ ﻣﺎﻧﮕﺘﺎ ﮨﮯ، ﭘﺘﻠﯽ ﮐﻤﺮ ‘ ﺳﻮﻟﮧ ﮐﺎﺳﻦ ‘ ﮐﻨﻮﺍﺭﯼ ‘ ﺍﻥ ﭼﮭﻮﺋﯽ ‘ ﻃﻮﺍﺋﻒ ﮐﮯ ﻧﺎﻡ ﭘﺮ ﺗﮭﻮﮐﻨﮯ ﻭﺍﻟﮯ ﺍﺱ ﮐﺎ ﺫﮐﺮ ﺁﺗﮯ ﮨﯽ ﮐﺎﻧﻮﮞ ﮐﻮ ﮨﺎﺗﮫ ﻟﮕﺎﻧﮯ ﻭﺍﻟﮯ ﺑﮭﯽ ﻭﮨﯽ ﻣﻌﯿﺎﺭﺍﺕ ﻟﮯ ﮐﺮ ﺁﺟﺎﺗﮯ ﮨﯿﮟ ﺟﻮﺑﺎﺯﺍﺭ ﺣﺴﻦ ﻣﯿﮟ ﺩﮐﺎﻧﺪﺍﺭﯼ ﭼﻤﮑﺎﻧﮯ ﮐﯿﻠﺌﮯ ﺍﯾﮏ ﻟﮍﮐﯽ ﮐﮯ ﭘﺎﺱ ﮨﻮﻧﮯ ﺿﺮﻭﺭﯼ ﮨﻮﺗﮯ ﮨﯿﮟ ﺭﻧﮓ ﺳﻔﯿﺪ ﮨﻮ ‘ ﺁﻧﮑﮫ ﺑﮍﯼ ﮨﻮ ‘ ﻧﺎﮎ ﺍﻭﻧﭽﯽ ﮨﻮ ‘ ﺳﯿﻨﮧ ﺩﻭﺩﮪ ﭘﻼﻧﮯ ﻭﺍﻟﯽ ﻋﻮﺭﺕ ﮐﯽ ﻃﺮﺡ ﺍﺑﮭﺮﺍ ﮨﻮﺍ ﮨﻮ ﻣﮕﺮﮐﻤﺮﺩﻭﺷﯿﺰﮦ ﮐﯽ ﻃﺮﺡ ﭘﭽﮑﯽ ﮨﻮﺋﯽ۔ ﺷﺮﺍﻓﺖ ‘ ﺗﮩﺬﯾﺐ ‘ ﻋﻠﻢ ‘ ﺩﺍﻧﺶ ﺟﺎﺋﯿﮟ ﮐﻮﮌﮮ ﮐﮯ ﮈﮬﯿﺮ ﭘﺮ ﺍﻭﺭ ﭘﮭﺮﯾﮩﺎﮞ ﺳﮯ ﺗﺎﻥ ﮨﭩﺘﯽ ﺗﻮ ﺭﺯﻕ ﺍﻭﺭ ﻋﮩﺪﮮ ﭘﺮ ﺟﺎﮐﺮ ﭨﻮﭨﺘﯽ۔ ﺑﮍﮮ ﺑﮍﮮ ﻋﮩﺪﯾﺪﺍﺭﻭﮞ، ﺻﻨﻌﺖ ﮐﺎﺭﻭﮞ ﺍﻭﺭ ﺟﺎﮔﯿﺮﺩﺍﺭﻭﮞ ﮐﯽ ﮈﮬﻠﺘﯽ ﻋﻤﺮ ﮐﯽ ﺑﮩﻨﻮﮞ ﺍﻭﺭﺑﯿﻮﮦ، ﻣﻄﻠﻘﮧ ﺑﯿﭩﯿﻮﮞ ﮐﮯ ﺑﮭﯽ ﺑﯿﺎﮦ ﮨﻮﺟﺎﺗﮯ ﮨﯿﮟ۔

ﻋﻮﺭﺕ ﮐﺎ ﺑﯿﺎﮦ ﮨﻮﺗﺎ ﮨﯽ ﮐﺐ ﮨﮯ؟ ﺑﯿﺎﮦ ﺗﻮﻣﻠﻮﮞ،ﺯﻣﯿﻨﻮﮞ ،ﮐﻮﭨﮭﯿﻮﮞ، ﮐﺎﺭﻭﮞ ‘ ﻋﮩﺪﻭﮞ ﮐﺎ ﮨﻮﺗﺎ ﮨﮯ ﯾﺎ ﭘﮭﺮﺩﻧﯿﺎ ﮐﻮﺩﮐﮭﺎﻧﮯ ﮐﯿﻠﺌﮯ ﯾﻌﻨﯽ ﺍﯾﮏ ﻣﻌﺰﺯ ﻃﺮﺯ ﮐﺎ ﻣﺠﺮﺍ ﺩﮐﮭﺎﻧﮯ ﮐﯿﻠﺌﮯ ﭘﺮﻓﯿﮑﭧ ﺣﺴﯿﻨﮧ ﮈﮬﻮﻧﮉﯼ ﺟﺎﺗﯽ ﮨﮯ ﺟﻮﺳﺎﺗﮫ ﭼﻠﺘﯽ ﮨﻮﺋﯽ ﺣﻮﺭﻟﮕﮯ ﭼﺎﮨﮯ ﭘﮩﻠﻮﻣﯿﮟ ﻟﻨﮕﻮﺭ ﮨﯽ ﮐﯿﻮﮞ ﻧﮧ ﮨﻮ۔ ﺑﺮﺍﺩﺭﯼ، ﺧﺎﻧﺪﺍﻥ ﻣﯿﮟ ﺟﺎﺋﮯ ﺗﻮﮨﺮﻗﺎﺑﻞ ﺫﮐﺮ ﻧﻮﺟﻮﺍﻥ ﺍﺱ ﮐﺎ ﻋﺎﺷﻖ ﮨﻮﺟﺎﺋﮯ ﺍﻭﺭﺧﺎﻧﺪﺍﻥ ﻣﯿﮟ ﺑﯿﭩﮭﯽ ﮈﮬﻠﺘﯽ ﻋﻤﺮ ﮐﯽ ﮐﻨﻮﺍﺭﯾﻮﮞ ﮐﻮ ﺍﭘﻨﯽ ﮐﻤﺮ ﺍﻭﺭﭘﯿﭧ ﭘﺮ ﺟﻤﯽ ﭼﺮﺑﯽ ﻣﻦ ﻣﻦ ﻭﺯﻧﯽ ﻟﮕﻨﮯ ﻟﮕﮯ ﺍﻭﺭﭘﮭﺮﺍﻥ ﻣﻌﯿﺎﺭﺍﺕ ﺳﮯ ﻧﯿﭽﮯ ﮔﺮ ﮐﺮ ﮐﮩﯿﮟ ﺳﻤﺠﮭﻮﺗﮧ ﮐﺮﻧﺎ ﭘﮍﮔﯿﺎ ﺗﻮﮔﮭﺮ ﻣﯿﮟ ﻧﻮﮐﺮﺍﻧﯽ ﺍﭨﮭﺎﻻﺋﮯ ﺟﻮﺳﺎﺭﺍ ﺩﻥ ﭼﻮﻟﮩﺎ ﺟﮭﻮﻧﮑﮯ ﺍﻭﺭﺧﻮﻥ ﺟﻼﺋﮯ ۔

ﺧﻮﻥ ﺗﻮﻭﮦ ﺑﮭﯽ ﺟﻼﺗﯽ ﺗﮭﯽ ﺍﻭﺭﮐﺮﺗﯽ ﺑﮭﯽ ﮐﯿﺎ؟؟؟ﻟﻮﮒ ﺗﻮﺍﯾﮏ ﻃﺮﻑ ﺭﮨﮯ ﺟﻮﺍﺱ ﮐﯽ ﮐﻤﺮ ﭘﺮ ﭼﮍﮬﯽ ﭼﺮﺑﯽ ﮐﻮ ﺩﯾﮑﮫ ﮐﺮ ﭼﭙﮑﮯ ﺳﮯ ﺍﭨﮫ ﺟﺎﺗﮯ ﺗﮭﮯ۔ﺍﺱ ﮐﯽ ﻣﺎﮞ ﮨﯽ ﺍﺱ ﮐﻮ ﻧﮧ ﭨﮑﻨﮯ ﺩﯾﺘﯽ ﺗﮭﯽ۔۔

ﺧﯿﺎﻻﺕ ﭘﺎﮎ ﮨﻮﺟﺎﺋﯿﮟ ﺗﻮﺑﻠﻨﺪ ﮨﻮﺟﺎﺗﮯ ﮨﯿﮟ

ﺍﺱ ﮐﮯ ﭘﺎﮐﯿﺰﮦ ﺑﻠﻨﺪ ﺧﯿﺎﻻﺕ ﮐﻮ ﻣﺎﮞ ﺟﻮﺗﮯ ﺟﻮﺗﮯ ﻣﺎﺭ ﮐﺮ ﺯﻣﯿﻦ ﭘﺮ ﻟﮯ ﺁﺗﯽ ﯾﮧ ﺍﯾﮏ ﻋﺠﯿﺐ ﺍﻟﻤﯿﮧ ﺗﮭﺎ ﺍﺱ ﮐﻮ ﮐﻮﺋﯽ ﺑﻠﻨﺪﯼ ﮐﯽ ﻃﺮﻑ ﻧﮧ ﺟﺎﻧﮯ ﺩﯾﺘﺎ ﺗﮭﺎ ﻧﮧ ﺣﺎﻻﺕ ﺍﻭﺭﻧﮧ ﮨﯽ ﻣﺎﮞ، ﺟﺐ ﺍﻥ ﺩﻭﻧﻮﮞ ﺳﮯ ﻣﺎﯾﻮﺱ ﮨﻮﺟﺎﺗﯽ ﺗﻮﺗﯿﺴﺮﯼ ﺳﻤﺖ ﺧﺪﺍ ﮐﯽ ﻃﺮﻑ ﺟﺎﻧﮑﻠﺘﯽ۔ ﻣﮕﺮﺧﺪﺍ ﮐﻮﺑﮭﯽ ﺍﺱ ﮐﮯ ﭘﺎﮎ ﺍﻭﺭﺑﻠﻨﺪ ﺧﯿﺎﻻﺕ ﺳﮯ ﮐﻮﺋﯽ ﺩﻟﭽﺴﭙﯽ ﻧﮧ ﺗﮭﯽ ۔ﺣﺎﻻﺕ ﺗﻮﻧﮧ ﺑﺪﻟﮯ ﻣﮕﺮﺍﺱ ﮐﮯ ﻣﺸﺎﻏﻞ ﻣﯿﮟ ﺍﯾﮏ ﺍﻭﺭﻣﺸﻐﻠﮯ ﮐﺎ ﺍﺿﺎﻓﮧ ﮨﻮﮔﯿﺎ۔ ﺑﺲ ﻣﯿﮟ ﺩﻓﺘﺮ ﺳﮯ ﮔﮭﺮ ﺍﻭﺭ ﮔﮭﺮ ﺳﮯ ﺩﻓﺘﺮﺁﺗﮯ ﺟﺎﺗﮯ ﺍﺏ ﻭﮦ ﻟﻮﮔﻮﮞ ﮐﮯ ﭘﯿﭧ ﺍﻭﺭ ﮐﻤﺮﺟﺎﻧﭽﻨﮯ ﻟﮓ ﺟﺎﺗﯽ ﺟﯿﺴﮯ ﮨﯽ ﮐﻮﺋﯽ ﻣﺮﺩﯾﺎ ﻋﻮﺭﺕ ﺑﺲ ﻣﯿﮟ ﺳﻮﺍﺭ ﮨﻮﺗﮯ ﺍﺱ ﮐﯽ ﻧﻈﺮﻓﻮﺭﺍً ﺍﻥ ﮐﮯ ﭘﯿﭧ ﮐﯽ ﻃﺮﻑ ﻟﭙﮑﺘﯽ ﺟﺎﻧﮯ ﮐﺘﻨﮯ ﮨﯽ ﺑﮍﮮ ﺑﮍﮮ ،ﮔﻮﻝ ﻣﭩﻮﻝ، ﺗﮭﺮﮐﺘﮯ ﮨﻮﺋﮯ، ﺁﭘﺮﯾﺸﻦ ﺯﺩﮦ ‘ ﻟﭩﮑﺘﮯ ﮨﻮﺋﮯ، ﮐﺴﮯ ﮨﻮﺋﮯ ‘ ﭘﮭﺮﺗﯿﻠﮯ ‘ ﭘﯿﭧ ﮐﻤﺮ ﮐﮯ ﺳﺎﺗﮫ ﻟﮕﮯ ﭘﯿﭧ ﺍﺱ ﻧﮯ ﺩﯾﮑﮫ ﻟﯿﮯ ﺗﮭﮯ ﺍﻭﺭﺟﺐ ﮐﻮﺋﯽ ﻣﺮﺩﯾﺎ ﻋﻮﺭﺕ ﺑﺲ ﺳﮯ ﻧﯿﭽﮯ ﺍﺗﺮﻧﮯ ﻟﮕﺘﮯ ﺗﻮﻭﮦ ﻓﻮﺭﺍً ﺍﭘﻨﯽ ﻧﮕﺎﮨﯿﮟ ﺍﻥ ﮐﯽ ﮐﻤﺮ ﭘﺮ ﺍﺗﺎﺭﺗﯽ ﻣﻮﭨﯽ ،ﭼﺮﺑﯿﻠﯽ ‘ ﺑﮯ ﮈﮬﺐ ،ﭘﮭﺮﺗﯿﻠﯽ ،ﭼﺴﺖ ،ﻏﺮﺽ ﻃﺮﺡ ﻃﺮﺡ ﮐﯽ ﮐﻤﺮﯾﮟ ﺑﮭﯽ ﺍﺱ ﻧﮯ ﺩﯾﮑﮫ ﻟﯽ ﺗﮭﯿﮟ ﻭﮦ ﺣﯿﺮﺍﻥ ﮨﻮﺗﯽ ﮐﮧ ﮨﺮﻃﺮﺯ ﮐﮯ ﭘﯿﭧ ﺍﻭﺭﮨﺮﻧﺎﭖ ﮐﯽ ﮐﻤﺮ ﮐﮯ ﻣﺮﺩ ﻭﺧﻮﺍﺗﯿﻦ ﺷﺎﺩﯼ ﺷﺪﮦ ﮨﻮﺗﮯ ﮨﻮﺗﮯ ﺗﮭﮯ ۔

’’ ﺍﭘﻨﺎ ﻭﺯﻥ ﮐﻢ ﮐﺮﻭ ‘ ﻣﻮﭨﯽ ﺩﻟﮩﻦ ﺍﭼﮭﯽ ﻧﮩﯿﮟ ﻟﮕﺘﯽ ‘ ﭼﺎﻟﯿﺲ ﺳﺎﻝ ﮐﯽ ﻟﮕﺘﯽ ﮨﻮ، ﻣﺤﺘﺮﻣﮧ ﺁﭖ ﮐﯽ ﻋﻤﺮ ﭘﯿﻨﺘﯿﺲ ﺳﺎﻝ ﺗﻮﮨﻮﮔﯽ، ﻣﻮﭨﯽ ﻟﮍﮐﯿﻮﮞ ﮐﮯ ﮨﺎﮞ ﺍﻭﻻﺩ ﻧﮩﯿﮟ ﮨﻮﺗﯽ۔

ﻃﺮﺡ ﻃﺮﺡ ﮐﮯ ﺟﻤﻠﮯ ﺗﮭﮯ ﺟﻮﺍﺱ ﮐﻮ ﺳﻨﻨﮯ ﭘﮍﺗﮯ ﭨﯽ ﻭﯼ ﭘﺮﭼﻠﺘﮯ ﺍﺷﺘﮩﺎﺭﻭﮞ ﻣﯿﮟ ﻟﭩﮑﺘﯽ، ﺗﮭﺮﮐﺘﯽ، ﭼﺴﺖ ،ﭘﮭﺮﺗﯿﻠﯽ ﺍﻭﺭ ﭘﺘﻠﯽ ﭘﺘﻨﮓ ﻟﮍﮐﯿﻮﮞ ﮐﯽ ﮐﻤﺮ ﺩﯾﮑﮫ ﺩﯾﮑﮫ ﮐﺮ ﺍﺱ ﮐﻮ ﺧﻠﺠﺎﻥ ﮨﻮﻧﮯ ﻟﮕﺎ ﺗﮭﺎ ﺗﻨﮓ ﺁﮐﺮ ﺍﺱ ﻧﮯ ﭨﯽ ﻭﯼ ﺩﯾﮑﮭﻨﺎ ﮨﯽ ﭼﮭﻮﮌﺩﯾﺎ ﺯﻧﺪﮔﯽ ﮐﻮ ﺁﺳﺎﻥ ﮐﺮﻧﮯ ﮐﺎ ﯾﮧ ﺑﮭﯽ ﺍﯾﮏ ﻃﺮﯾﻘﮧ ﮨﮯ۔ ﻣﻮﭨﯽ ﻟﮍﮐﯿﻮﮞ ﮐﮯ ﺳﺎﺗﮫ ﮐﻮﺋﯽ ﺷﺎﺩﯼ ﻧﮩﯿﮟ ﮐﺮﺗﺎ ﺁﺧﺮ ﺟﺐ ﺍﯾﮏ ﺩﻥ ﺍﺱ ﮐﯽ ﺩﻓﺘﺮ ﮐﯽ ﺍﯾﮏ ﺳﺎﺗﮭﯽ ﻧﮯ ﺍﺱ ﮐﻮ ﮐﮩﺎ ﺗﻮﺁﮒ ﮐﺎ ﺍﯾﮏ ﺷﻌﻠﮧ ﺍﺱ ﮐﮯ ﺩﻣﺎﻍ ﮐﮯ ﺍﻧﺪﺭ ﺳﮯ ﻟﭙﮑﺎﺍﻭﺭﭘﯿﺮﻭﮞ ﮐﮯ ﻧﺎﺧﻨﻮﮞ ﺳﮯ ﺑﺎﮨﺮﻧﮑﻞ ﮔﯿﺎِ ِِ،،ﻣﺮﺩﻭﮞ ﻧﮯ ﺑﯿﻮﯼ ﻻﻧﯽ ﮨﻮﺗﯽ ﮨﮯ ﯾﺎ ﻣﺠﺮﺍ ﮐﺮﺍﻧﺎ ﮨﻮﺗﺎ ﮨﮯ ﺍﺱ ﺳﮯ۔ ﮨﺎﻧﮉﯼ ﺭﻭﭨﯽ ،ﺩﺍﻝ ﺩﻟﯿﮧ، ﮔﮭﺮ ﮐﯽ ﺻﻔﺎﺋﯽ، ﺑﭽﻮﮞ ﮐﯽ ﭘﯿﺪﺍﺋﺶ ﺗﻮﻣﻮﭨﯽ ﻟﮍﮐﯽ ﺑﮭﯽ ﮐﺮﻟﯿﺘﯽ ﮨﮯ ﺳﻤﺎﺭﭦ ﮨﻮﺟﺎﺅ ،ﯾﮧ ﮐﺮﻭ، ﻭﮦ ﮐﺮﻭ ﺳﻠﻤﻨﮓ ﺳﻨﭩﺮ ‘ ﮈﺍﺋﯿﭧ، ﺷﺮﺑﺖ ،ﺑﮭﺎﮔﻮ ﺩﻭﮌﻭ،،، ﺍﻑ ﺧﺪﺍﯾﺎ ﯾﮧ ﺩﻧﯿﺎ ﮨﮯ ﯾﺎ ﮐﭽﺮﺍ ﮐﻨﮉﯼ ﮐﭽﺮﺍ ‘ ﮐﭽﺮﺍ ‘ ﮐﭽﺮﺍ ‘ ﮐﭽﺮﺍ

ﻭﮦ ﮨﻤﯿﺸﮧ ﭘﯿﺪﻝ ﭼﻠﺘﺎ ﺗﮭﺎ۔ ﺍﯾﮏ ﮨﺎﺗﮫ ﻣﯿﮟ ﮔﻨﺪﺍ ﺑﻮﺳﯿﺪﮦ ﭨﺎﭦ ﮐﺎ ﮔﭩﻮﺍﭨﮭﺎﺋﮯ ﻭﮦ ﮐﭽﺮﮮ ﮐﮯ ﮈﮬﯿﺮﻭﮞ ﮐﮯ ﺍﺭﺩﮔﺮﺩ ﻣﻨﮉﻻﺗﺎ ﻧﻈﺮﺁﺗﺎ، ﯾﺎ ﮐﺒﮭﯽ ﮐﺴﯽ ﮈﮬﯿﺮ ﮐﮯ ﺍﻭﭘﺮ ﺑﯿﭩﮭﺎ ﮐﭽﺮﮮ ﮐﻮ ﺍﻟﭧ ﭘﻠﭧ ﮐﺮ ﺭﮨﺎ ﮨﻮﺗﺎ ﺗﮭﺎ ﺳﺮﺩﯼ ‘ ﮔﺮﻣﯽ ‘ ﺩﮬﻮﭖ ‘

ﭼﮭﺎﺅﮞ ﺑﺎﺭﺵ ﺳﮯ ﺑﮯ ﻧﯿﺎﺯ ﮔﭩﻮ ﮐﻮ ﺍﯾﮏ ﮨﺎﺗﮫ ﻣﯿﮟ ﻟﭩﮑﺎﺋﮯ ﻭﮦ ﺗﺎﺭﮐﻮﻝ ﮐﯽ ﺳﮍﮎ ﭘﺮ ﻧﻨﮕﮯ ﭘﺎﺅﮞ ﭼﻠﺘﺎ ﺭﮨﺘﺎ، ﻭﮦ ﻣﻮﺳﻤﻮﮞ ﺳﮯ ﺑﮯ ﻧﯿﺎﺯ ﺗﮭﺎ، ﻓﻄﺮﺕ ﺍﺱ ﮐﮯ ﺳﺎﻣﻨﮯ ﺳﺮﻧﮕﻮﮞ ﺗﮭﯽ ۔ﻭﮦ ﮐﮭﮍﮐﯽ ﺳﮯ ﺑﺎﮨﺮ ﺩﯾﮑﮭﺘﯽ ﺭﮨﺘﯽ ﺗﮭﯽ ﺩﺭﺧﺖ ‘ ﮐﭽﮯ ﭘﮑﮯ ﻣﮑﺎﻥ ‘ ﺟﺎﻧﻮﺭﺟﮭﮕﯿﺎﮞ، ﺍﯾﻨﭩﻮﮞ ﻭﺍﻻ ﺑﮭﭩﮧ ‘ ﻣﺎﻟﭩﮯ ﮐﯽ ﻓﯿﮑﭩﺮﯾﺎﮞ ‘ ﮐﯿﻨﻮ ﮔﺮﯾﮉﻧﮓ ﺍﯾﻨﮉﻭﯾﮑﺴﻠﻨﮓ ﻓﯿﮑﭩﺮﯼ ‘ ﻣﺎﻟﭩﮯ ﮐﮯ ﺑﺎﻏﺎﺕ ‘ ﭘﭩﺮﻭﻝ ﭘﻤﭗ ﮐﮯ ﺑﻌﺪﻣﺬﺑﺤﮧ ﺧﺎﻧﮧ ﺁﺟﺎﺗﺎ ﺟﮩﺎﮞ ﺍﯾﮏ ﺩﻥ ﺍﺱ ﻧﮯ ﻗﻄﺎﺭ ﻣﯿﮟ ﮐﭩﮯ ﮐﭩﯿﺎﮞ ﺍﻭﺭ ﺟﮭﻮﭨﮯ ﺟﮭﻮﭨﯿﺎﮞ ﻟﭩﺎﮐﺮﻗﺼﺎﺑﻮﮞ ﮐﻮ ﺍﻥ ﮐﯽ ﮔﺮﺩﻧﻮﮞ ﭘﺮ ﭼﮭﺮﯾﺎﮞ ﭼﻼﺗﮯ ﺩﯾﮑﮭﺎ ﺗﮭﺎ۔ ﻣﺬﺑﺤﮧ ﺧﺎﻧﮯ ﮐﮯ ﺑﻌﺪﻧﺎﻟﮧ ﺁﺗﺎ ﺗﮭﺎ ﺟﮩﺎﮞ ﺍﯾﮏ ﻃﺮﻑ ﻗﺼﺎﺋﯽ ﺟﺎﻧﻮﺭﻭﮞ ﮐﺎ ﺍﻭﺟﮭﮍ ﺩﮬﻮﺭﮨﮯ ﮨﻮﺗﮯ ﺍﻭﺭ ﺩﻭﺳﺮﯼ ﻃﺮﻑ ﺳﺎﺗﮫ ﻭﺍﻟﯽ ﺁﺑﺎﺩﯼ ﮐﯽ ﻋﻮﺭﺗﯿﮟ ﮔﮭﺮﻭﮞ ﮐﮯ ﺑﺮﺗﻦ ﺍﻭﺭ ﺑﭽﻮﮞ ﮐﮯ ﭘﻮﺗﮍﮮ ﺩﮬﻮﺭﮨﯽ ﮨﻮﺗﯽ ﺗﮭﯿﮟ ﺍﺱ ﺳﮯ ﺁﮔﮯ ﺩﺍﺋﯿﮟ ﮨﺎﺗﮫ ﺳﮍﮎ ﭘﺮ ﺍﯾﮏ ﺍﻣﺎﻡ ﺑﺎﺭﮔﺎﮦ ﺗﮭﯽ، ﭘﺘﺎ ﻧﮩﯿﮟ ﺍﺏ ﻭﮦ ﺍﻣﺎﻡ ﺑﺎﺭﮔﺎﮦ ﮐﯿﺴﮯ ﺑﻦ ﮔﺌﯽ ﭼﻨﺪ ﻣﮩﯿﻨﮯ ﭘﮩﻠﮯ ﺗﮏ ﻭﮨﺎﮞ ﭘﯿﭙﻞ ﮐﮯ ﺑﮍﮮ ﺩﺭﺧﺖ ﮐﮯ ﻧﯿﭽﮯ ﺳﺎﺩﮦ ﺳﺎ ﺍﯾﻨﭩﻮﮞ ﮐﺎ ﺍﯾﮏ ﮐﻤﺮﮦ ﺗﮭﺎ ﺍﯾﮏ ﺩﻥ ﮐﻮﺋﯽ ﮐﺎﻟﮯ ﺳﯿﺎﮦ ﺗﯿﻞ ﺳﮯ ﺍﭨﮯ ﮨﻮﺋﮯ ﭘﯿﺎﻟﮯ ﺍﺱ ﭘﯿﭙﻞ ﮐﯽ ﺟﮍﻭﮞ ﻣﯿﮟ ﺭﮐﮫ ﮔﯿﺎ ﺍﺱ ﺳﮯ ﺍﮔﻠﮯ ﺩﻥ ﺳﺒﺰ ﭼﻮﻻ ﭘﮩﻨﮯ ﮔﻠﮯ ﻣﯿﮟ ﻣﺎﻻﺋﯿﮟ ﮈﺍﻟﮯ ﺍﯾﮏ ﻓﻘﯿﺮ ﺳﺎﺋﯿﮟ ﺑﮭﯽ ﻭﮨﺎﮞ ﺣﺎﺿﺮ ﮨﻮﮔﺌﮯ ﻓﻘﯿﺮ ﺳﺎﺋﯿﮟ ﺍﺏ ﺭﻭﺯ ﺩﮬﻮﻧﯽ ﺭﻣﺎﺋﮯ ﻭﮨﺎﮞ ﺑﯿﭩﮭﮯ ﻧﻈﺮﺁﻧﮯ ﻟﮕﮯ ﮐﮧ ﭼﻨﺪ ﺩﻧﻮﮞ ﺑﻌﺪﮐﺴﯽ ﻣﺨﯿﺮﻧﮯ ﻧﻠﮑﺎ ﺑﮭﯽ ﻟﮕﻮﺍﺩﯾﺎ۔ ﻧﻠﮑﺎ ﻟﮕﻨﮯ ﮐﮯ ﺑﻌﺪﮐﺎﻻ ﻋﻠﻢ ﺑﻠﻨﺪ ﮨﻮﺍ۔ ﺍﻭﺭﭘﮭﺮﭘﯿﭙﻞ ‘ ﻋﻠﻢ ’ ﻓﻘﯿﺮ ﺳﺎﺋﯿﮟ ﺍﻭﺭ ﮐﻮﭨﮭﮍﯼ ﮐﮯ ﺍﺭﺩﮔﺮﺩ ﺍﻭﻧﭽﯽ ﺩﯾﻮﺍﺭ ﺁﮔﺌﯽ ﺍﻭﺭﭘﮩﻼ ﻋﺮﺱ ﺑﮭﯽ ﺩﮬﻮﻡ ﺩﮬﺎﻡ ﺳﮯ ﮨﻮﮔﯿﺎ۔

ﭼﯿﺰﯾﮟ ﮐﺘﻨﯽ ﺗﯿﺰﯼ ﺳﮯ ﻭﺟﻮﺩ ﻣﯿﮟ ﺁﺗﯽ ﮨﯿﮟ۔ ﻣﮕﺮﺍﺱ ﮐﺎ ﻣﻘﺪﺭ ﺗﮭﺎ ﮐﮧ ﺍﯾﮏ ﺍﻧﭻ ﺑﮭﯽ ﺑﺪﻟﻨﮯ ﮐﻮ ﺗﯿﺎﺭ ﻧﮧ ﺗﮭﺎ ﺍﻭﺭﭘﮭﺮﺍﯾﮏ ﺩﻥ ﺍﺱ ﻧﮯ ﺍﭼﺎﻧﮏ ﺍﺱ ﮐﻮ ﺍﻣﺎﻡ ﺑﺎﺭﮔﺎﮦ ﮐﮯ ﺩﺭﻭﺍﺯﮮ ﺳﮯ ﻧﮑﻠﺘﮯ ﺩﯾﮑﮫ ﻟﯿﺎ ﺍﯾﮏ ﮨﺎﺗﮫ ﻣﯿﮟ ﮔﻨﺪﮦ ‘ ﺷﮑﺴﺘﮧ ﺑﻮﺳﯿﺪﮦ ﮔﭩﻮﺍﭨﮭﺎﺋﮯ ﻭﮦ ﭼﻼ ﺟﺎﺭﮨﺎ ﺗﮭﺎ ﺍﺱ ﮐﮯ ﺑﺪﻥ ﭘﺮ ﺻﺮﻑ ﺍﯾﮏ ﺷﻠﻮﺍﺭ ﺗﮭﯽ ﺟﺲ ﮐﻮ ﺍﺱ ﻧﮯ ﮔﮭﭩﻨﻮﮞ ﺗﮏ ﺍﮌﺱ ﺭﮐﮭﺎ ﺗﮭﺎ ﻏﻼﻇﺖ ﺳﮯ ﺍﭨﯽ ﮨﻮﺋﯽ ﺗﮭﯽ۔ ﺍﺱ ﮐﯽ ﻧﻈﺮ ﺍﺱ ﮐﮯ ﺑﺎﻟﻮﮞ ﮐﯽ ﻃﺮﻑ ﭼﻠﯽ ﮔﺌﯽ ۔ﺑﮯ ﺗﺤﺎﺷﺎ ﺑﮍﮬﮯ ﮨﻮﺋﮯ ﺍﻭﺭﺁﭘﺲ ﻣﯿﮟ ﺍﻟﺠﮭﮯ ﮨﻮﺋﮯ ﺑﺎﻝ ﺗﮭﮯ ﺟﻮﮐﮧ ﻣﺴﻠﺴﻞ ﻣﯿﻞ ﺍﻭﺭ ﻣﭩﯽ ﮐﮯ ﻣﻠﻨﮯ ﮐﯽ ﻭﺟﮧ ﺳﮯ ﻟﮑﮍﯼ ﮐﯽ ﺳﺨﺖ ﺗﯿﻠﯿﻮﮞ ﺳﮯ ﺑﻨﮯ ﮔﮭﻮﻧﺴﻠﮯ ﮐﯽ ﺷﮑﻞ ﺍﺧﺘﯿﺎﺭ ﮐﺮﮔﺌﮯ ﺗﮭﮯ ﻭﮦ ﺍﺗﻨﺎ ﮨﯽ ﺩﯾﮑﮫ ﭘﺎﺋﯽ ﺗﮭﯽ ﮐﮧ ﺑﺲ ﺁﮔﮯ ﻧﮑﻞ ﮔﺌﯽ۔ ﭼﻨﺪ ﺩﻥ ﺑﻌﺪﻭﮦ ﭘﮭﺮﻧﻈﺮﺁﯾﺎ۔ ﻣﮕﺮﻭﮦ ﺻﺮﻑ ﺍﺱ ﮐﯽ ﻧﻨﮕﯽ ﭘﯿﭩﮫ ﺩﯾﮑﮫ ﺳﮑﯽ۔ ﻭﮦ ﻭﻗﻔﻮﮞ ﻭﻗﻔﻮﮞ ﺳﮯ ﻧﻈﺮﺁﺗﺎ ﺭﮨﺘﺎ ﺗﮭﺎ۔ ﺍﺳﯽ ﻏﻠﯿﻆ ﺷﻠﻮﺍﺭ ﻣﯿﮟ ﺑﻮﺳﯿﺪﮦ ﺷﮑﺴﺘﮧ ﮔﭩﻮﺍﭨﮭﺎﺋﮯ ﮐﺒﮭﯽ ﺍﺱ ﮐﮯ ﮔﮭﺮ ﺍﻭﺭ ﺩﻓﺘﺮ ﮐﮯ ﺑﯿﭻ ﮐﮯ ﺳﺘﺮﮦ ﮐﻠﻮﻣﯿﭩﺮ ﺳﮯ ﺑﺎﮨﺮ ﻧﮧ ﺟﺎﺗﺎ ﺗﮭﺎ ۔ﻭﮨﯿﮟ ﺍﺳﯽ ﺳﮍﮎ ﭘﺮ ﺁﺗﺎ ﺟﺎﺗﺎ ﺩﮐﮭﺎﺋﯽ ﺩﮮ ﺟﺎﺗﺎ ﯾﺎ ﮐﺒﮭﯽ ﮐﺴﯽ ﮐﭽﺮﮮ ﮐﮯ ﮈﮬﯿﺮ ﮐﮯ ﭘﺎﺱ ﺑﯿﭩﮭﺎ ﮨﻮﺍ۔

ﺍﻭﺭﭘﮭﺮﺍﯾﮏ ﺩﻥ ﺍﺳﮯ ﺗﻔﺼﯿﻞ ﺳﮯ ﺍﺳﮯ ﺩﯾﮑﮭﻨﮯ ﮐﺎ ﻣﻮﻗﻊ ﻣﻞ ﮔﯿﺎ۔ ﯾﮧ ﺩﺳﻤﺒﺮﺍﻭﺭﺟﻨﻮﺭﯼ ﮐﮯ ﺩﮬﻨﺪﻭﺍﻟﮯ ﺩﻥ ﺗﮭﮯ ﺍﻥ ﺩﻧﻮﮞ ﮐﯿﻨﻮ ﻓﯿﮑﭩﺮﯾﺎﮞ ﮔﺮﯾﮉﻧﮓ ﮐﮯ ﺑﻌﺪﭼﮭﻮﭨﮯ ﺳﺎﺋﺰ ﮐﮯ ﺍﻭﺭﺑﯿﻤﺎﺭ ﻣﺎﻟﭩﮯ ﭼﮭﺎﻧﭧ ﮐﺮ ﺑﺎﮨﺮ ﻧﮑﺎﻝ ﺩﯾﺘﯽ ﮨﯿﮟ۔ ﺟﻦ ﮐﻮ ﭨﺮﮐﻮﮞ ﺍﻭﺭ ﻣﺰﺩﻭﮞ ﻣﯿﮟ ﻻﺩ ﮐﺮ ﺑﺎﮨﺮ ﮐﺴﯽ ﻧﺎﻟﮯ ﯾﺎ ﮐﮩﯿﮟ ﺳﮍﮎ ﮐﮯ ﮐﻨﺎﺭﮮ ﮈﮬﯿﺮ ﮐﺮﺩﯾﺎﺟﺎﺗﺎ ﮨﮯ ۔ﺟﮩﺎﮞ ﺳﮯ ﻣﺰﯾﺪﭼﮭﺎﻧﭧ ﮐﺮ ﺿﺮﻭﺭﺕ ﻣﻨﺪ ﺍﭨﮭﺎﻟﯿﺘﮯ ﮨﯿﮟ ﺍﻭﺭﺑﺎﻗﯽ ﻭﮨﯿﮟ ﮔﻠﺘﮯ ﺳﮍﺗﮯ ﺍﻭﺭﺑﺪﺑﻮﭼﮭﻮﮌﺗﮯ ﺭﮨﺘﮯ ﮨﯿﮟ۔ ﺍﯾﺴﮯ ﮨﯽ ﺍﯾﮏ ﺩﻥ ﺩﻭﮐﯿﻨﻮ ﻓﯿﮑﭩﺮﯾﻮﮞ ﮐﮯ ﺩﺭﻣﯿﺎﻧﯽ ﻋﻼﻗﮯ ﻣﯿﮟ ﭘﮭﯿﻨﮑﮯ ﮔﺌﮯ ﺍﻥ ﻓﺎﺿﻞ ﻣﺎﻟﭩﻮﮞ ﮐﮯ ﮈﮬﯿﺮ ﮐﮯ ﭘﺎﺱ ﺑﺲ ﮐﺎ ﭨﺎﺋﺮ ﭘﻨﮑﭽﺮﮨﻮﮔﯿﺎ ﺍﻭﺭﺑﺲ ﺍﯾﮏ ﺟﮭﭩﮑﮯ ﮐﮯ ﺳﺎﺗﮫ ﺭﮎ ﮔﺌﯽ۔ ﮈﺭﺍﺋﯿﻮﺭﺍﻭﺭﮐﻨﮉﯾﮏﭨﺮ ﺑﮭﯽ ﻧﯿﭽﮯ ﺍﺗﺮﺁﺋﮯ ﺍﻭﺭﭨﺎﺋﺮﺑﺪﻟﻨﮯ ﻣﯿﮟ ﻟﮓ ﮔﺌﮯ۔ ﯾﻮﻧﮩﯽ ﻭﻗﺖ ﮔﺰﺍﺭﯼ ﮐﯿﻠﺌﮯ ﺍﺱ ﻧﮯ ﮐﮭﮍﮐﯽ ﺳﮯ ﺑﺎﮨﺮﺟﮭﺎﻧﮑﺎ ﺗﻮﭨﮭﭩﮏ ﮐﺮﺭﮦ ﮔﺌﯽ۔ ﻭﮦ ﻣﺎﻟﭩﻮﮞ ﮐﮯ ﮔﻨﺪﮮ ﮈﮬﯿﺮ ﮐﮯ ﭘﺎﺱ ﮔﻢ ﺻﻢ ﮐﮭﮍﺍ ﺑﺲ ﮐﻮ ﺩﯾﮑﮭﮯ ﺟﺎﺭﮨﺎ ﺗﮭﺎ۔ ﺑﻮﺳﯿﺪﮦ ﮔﭩﻮﺍﺱ ﮐﮯ ﮐﻨﺪﮬﮯ ﮐﮯ ﺳﺎﺗﮫ ﻟﭩﮏ ﺭﮨﺎ ﺗﮭﺎ۔ ﺩﺍﮌﮬﯽ ﺍﻭﺭﻣﻮﻧﭽﮭﻮﮞ ﮐﮯ ﺑﺎﻝ ﮐﭽﮫ ﺍﺱ ﻃﺮﺡ ﺳﮯ ﮔﮉﻣﮉﮨﻮﮔﺌﮯ ﺗﮭﮯ ﮐﮧ ﺍﺱ ﮐﮯ ﮨﻮﻧﭧ ﭼﮭﭗ ﮔﺌﮯ ﺗﮭﮯ۔ ﺻﺮﻑ ﻣﺘﻮﺣﺶ ﺁﻧﮑﮭﯿﮟ ﺍﻭﺭﺳﺘﻮﺍﮞ ﻧﺎﮎ ﻧﻈﺮﺁﺗﯽ ﺗﮭﯽ۔ ﮐﻠﻮﮞ ‘ ﺟﺒﮍﻭﮞ ﺍﻭﺭ ﮔﺮﺩﻥ ﮐﻮ ﺑﮭﯽ ﺑﺎﻟﻮﮞ ﻧﮯ ﮈﮬﺎﻧﭗ ﻟﯿﺎ ﺗﮭﺎ ﺍﻟﺒﺘﮧ ﺑﺎﻗﯽ ﮐﺎ ﺟﺴﻢ ﻭﺍﺿﺢ ﺗﮭﺎ ۔ﻭﮦ ﺩﻧﮓ ﺭﮦ ﮔﺌﯽ ۔ﻓﻠﻤﻮﮞ ﻣﯿﮟ ﺩﯾﮑﮭﮯ ﻓﻠﻤﯽ ﮨﯿﺮﻭﺅﮞ ﺍﻭﺭﻭﻟﻨﻮﮞ ﮐﮯ ﻭﺭﺯﺷﯽ ﺟﺴﻢ ﺍﺱ ﮐﯽ ﺁﻧﮑﮭﻮﮞ ﮐﮯ ﺳﺎﻣﻨﮯ ﮔﮭﻮﻡ ﮔﺌﮯ۔ ﭼﻮﮌﮮ ﮐﻨﺪﮬﮯ ،ﭘﺮﮔﻮﺷﺖ ﺳﯿﻨﮧ ‘ ﭘﺘﻠﯽ ﮐﻤﺮ ‘ ﮨﻤﻮﺍﺭ ﭘﯿﭧ ‘ ﺑﺎﺯﻭﺅﮞ ﮐﯽ ﻣﭽﮭﻠﯿﺎﮞ ﺍﻭﺭ ﮐﻼﺋﯿﻮﮞ ﮐﯽ ﺭﮔﯿﮟ ﺍﺑﮭﺮﯼ ﮨﻮﺋﯽ ﺍﻭﺭﺑﺎﻟﻮﮞ ﮐﯽ ﺍﯾﮏ ﮨﻤﻮﺍﺭ ﻟﮑﯿﺮ ﺟﻮ ﻧﺎﻑ ﮐﮯ ﻧﯿﭽﮯ ﺳﮯ ﻟﮯ ﮐﺮ ﺳﯿﻨﮯ ﺗﮏ ﺁﺭﮨﯽ ﺗﮭﯽ ﺍﻭﺭﺳﯿﻨﮯ ﭘﺮ ﺁﮐﺮ ﭘﮭﯿﻞ ﺟﺎﺗﯽ ﺗﮭﯽ۔

ﺟﺲ ﻣﻌﯿﺎﺭ ﮐﺎ ﺍﺱ ﮐﺎ ﺟﺴﻢ ﺗﮭﺎ ﺍﺱ ﻣﻌﯿﺎﺭ ﮐﮯ ﺟﺴﻤﻮﮞ ﮐﯽ ﺗﻮﺩﮐﮭﺎﻭﮮ ﮐﯽ ﺩﻧﯿﺎ ﻣﯿﮟ ﺑﮍﯼ ﻣﺎﻧﮓ ﮨﮯ ۔ﺍﯾﺴﮯ ﺟﺴﻢ ﺗﻮﮐﺮﻭﮌﻭﮞ ﻣﯿﮟ ﺑﮑﺘﮯ ﮨﯿﮟ ۔ﻣﮕﺮﯾﮧ ﮐﯿﺴﺎ ﺷﺨﺺ ﮨﮯ ﮐﮧ ﺍﺱ ﺟﻨﺲ ﮔﺮﺍﮞ ﮐﮯ ﮨﻮﺗﮯ ﮨﻮﺋﮯ ﮐﭽﺮﺍ ﭼﻨﺘﺎ ﮨﮯ

ﺷﺎﯾﺪ ﻧﺼﯿﺐ ﮐﺎ ﺟﺴﻤﻮﮞ ﮐﯽ ﺳﺎﺧﺖ ﮐﮯ ﺳﺎﺗﮫ ﮐﻮﺋﯽ ﺳﻤﺒﻨﺪﮪ ﻧﮩﯿﮟ۔ﺟﺎﻧﮯ ﮐﺐ ﭘﮩﯿﮧ ﺑﺪﻻ ﺍﻭﺭ ﺑﺲ ﺟﮭﭩﮑﮯ ﺳﮯ ﭼﻞ ﭘﮍﯼ۔

ﺍﺱ ﻧﮯ ﺳﺮ ﮐﻮ ﺍﮔﻠﯽ ﺳﯿﭧ ﮐﯽ ﭘﺸﺖ ﮐﮯ ﺍﻭﭘﺮ ﭨﮑﺎﻟﯿﺎ ﺍﻭﺭﺁﻧﮑﮭﯿﮟ ﻣﻮﻧﺪﻟﯿﮟ۔