اتباف ابرک

تیری یادیں کمال کرتی ہیں
میرا جینا محال کرتی ہیں
اپنی نظروں سے گرتا جاتا ہوں
ایسے ایسے سوال کرتی ہیں
تیری یادیں کمال کرتی ہیں

رہوں جو چپ تو بات بدلیں نہ
میرا جینا وبال کرتی ہیں
تیری یادیں کمال کرتی ہیں

روز اٹھتا ہوں نیا دن بن کر
روز مجھ کو زوال کرتی ہیں
تیری یادیں کمال کرتی ہیں

ماضیوں سے تو چھپ بھی جاتا ہوں
حال بن کر بے حال کرتی ہیں
تیری یادیں کمال کرتی ہیں

کبھی خوشیاں کہیں جو مل جائیں
ایسا لوٹیں کھنگال کرتی ہیں
تیری یادیں کمال کرتی ہیں

میں جو کہتا ہوں اب چلی جاو
رو رو آنکھوں کو لال کرتی ہیں
تیری یادیں کمال کرتی ہیں

شوخیوں پہ کبھی جو آ جائیں
کیسے کیسے مجال کرتی ہیں
تیری یادیں کمال کرتی ہیں

جب کبھی ٹوٹ پھوٹ جاتا ہوں
گلے لگ کر ملال کرتی ہیں
تیری یادیں کمال کرتی ہیں

کوئی اب دل کو اور توڑے نہ
ساتھ رہ رہ خیال کرتی ہیں
تیری یادیں کمال کرتی ہیں

اتباف ابرک
#Teri yadeen,